واش وفاكاش كتسلف وشنو هي الشروط والخدمات المالية اللي كتقدمها

العديد من الناس فالمغرب كيتساءلو واش شركة وفاكاش كتسلف الفلوس؟ وشنو هي الشروط باش ناخد قرض منها؟ هاد الأسئلة كترجع لكون وفاكاش معروفة بزاف فمجال تحويل الأموال وتسديد الفواتير، ولكن واش كتوفر خدمات ديال القروض أو لا؟ فهذ المقالة غادي نجاوبك بشكل واضح وموثوق.

شكون هي وفاكاش؟

وفاكاش هي شركة مالية مغربية تابعة لمجموعة التجاري وفا بنك كتركز بشكل أساسي على تقديم خدمات مالية بسيطة وميسرة، وكتستهدف شريحة واسعة من المواطنين اللي ماعندهومش حسابات بنكية أو اللي باغين خدمات مالية سريعة بلا تعقيدات.

واش وفاكاش كتسلف الفلوس؟

الجواب المباشر هو: لا، وفاكاش ماشي مؤسسة ديال القروض التقليدية.
الخدمات اللي كتقدمها مرتبطة أساسا

بالتحويل الأموال داخل وخارج المغرب.

أداء الفواتير الماء، الكهرباء، الانترنت....

تعبئة الهاتف.

دفع الضرائب والرسوم الإدارية

سحب الأموال من المحافظ الإلكترونية بحال فلاي كاش وبايبال وغيرها.

لكن، بعض الوكالات التابعة لـوفاكاش خدامة بشراكة مع مؤسسات تمويلية مرخصة، وكتقوم فقط بدور الوسيط يعني تقدر تلقى وكالة وفاكاش فيها موظف تابع لشركة تمويل، ولكن القرض راه من الشركة الأخرى، ماشي من وفاكاش مباشرة.

واش كاين شي استثناءات؟

فبعض الحالات النادرة، ممكن وفاكاش تلعب دور الوسيط باش تسهل عليك الحصول على قرض استهلاكي بسيط، لكن هذا كيبقى مرهون باتفاقيات معينة بين وفاكاش وشركات التمويل بحال Wafasalaf مثلا أو Sofac. وهنا القرض ماشي من وفاكاش، ولكن من المؤسسة التمويلية اللي عندها الشراكة.

شنو هي الشروط باش تاخد قرض عن طريق هاد الشركات التمويلية؟

إليك أهم الشروط اللي غالبا كتعتمدها هاد المؤسسات:

السن: خاص يكون بين 20 و60 سنة غالبا.

الدخل: خاص يكون عندك دخل قار خدمة، تقاعد، تحويل مالي شهري....

الوثائق المطلوبة: بطاقة التعريف الوطنية، شهادة العمل أو شهادة الدخل، نسخة من البطاقة البنكية، وربما شي وثيقة تأكد مكان السكن.

سجل بنكي نظيف: ماعندكش مشاكل مع بنوك سابقة أو شي ديون متأخرة.

الضمانات: فبعض الحالات كيتطلبو كفيل أو ضمانات بسيطة، حسب المبلغ المطلوب.

كيفاش تعرف واش فرع وفاكاش كيخدم القروض ولا لا؟

باش تكون الأمور واضحة، أفضل حاجة ديرها هي:

تمشي مباشرة لأقرب وكالة وفاكاش.

تسول واش كيتعاملوا مع شي شركة تمويلة

تسول على نوع القروض اللي ممكن تاخدها والشروط الخاصة بها.

أو تقدر تتصل بخدمة الزبناء ديالهم وتسولهم بشكل مباشر قبل ما تمشي.

شركة وفاكاش ماشي شركة ديال القروض، ولكن كتخدم فمجال الخدمات المالية بحال تحويل الأموال وتسديد الفواتير فبعض الحالات، تقدر تلعب دور الوسيط مع شركات تمويلية أخرى، لكن القرض كيبقى تابع لهاد الشركات، ماشي وفاكاش.

إذا كنت باغي قرض، من الأفضل تمشي مباشرة لشركات التمويل المعروفة بحال وفا سلف، كريدي كونسو، أليوس، سوفاك... أو تسول ففرع وفاكاش واش كيتعاونوا مع شي وحدة منهم.