واحد من المواقف المقلقة اللي كيوقعو للناس بزاف، هو ملي كتقوم بتحويل مبلغ مالي من حسابك في بايبال إلى حسابك البنكي، وكتتفاجأ أن الفلوس ما وصلاتش هادشي وقع ليا شخصيا، حولت مبلغ 65 دولار من بايبال إلى حسابي في بنك CIH، ولكن الأيام دازت والفلوس ما وصلاتش، رغم أن العملية باينة عندي فالتطبيق ديال بايبال.
قررت نتواصل مع دعم بايبال، وها الرد اللي وصلني يوم 28 أبريل 2025:
"بعد مراجعة حسابك، وجدنا أن مبلغ المعاملة 65.00 دولارا أمريكيا هو تفويض وليس استردادا لبطاقتك الائتمانية التفويض هو حجز مؤقت للمبلغ وليس عملية دفع مكتملة يُرجى التواصل مع مصدر بطاقتك الائتمانية لطلب إصدار التفويض ره نظرًا لعدم تمكننا من إتمامه."
.png "حولت فلوس من بايبال لسياش وموصلونيش وها شنو قالو ليا فدعم بايبال") |
| حولت فلوس من بايبال لسياش وموصلونيش وها شنو قالو ليا فدعم بايبال |
لكن شنو كيعني هاد الكلام؟ وشنو الحل اللي خاصك تدير فهاد الحالة؟ فهاد المقالة غادي نشرح ليك الأمور بكل وضوح.
شنو هو “التفويض” فبايبال؟
التفويض Authorization هو مجرد حجز مؤقت للمبلغ في البطاقة، وكيتسجل فقط كعملية فالبطاقة ولكن ما كيتحولش الفلوس فعلًا. كيبقى المبلغ مجمّد لمدة قصيرة، وإذا ما كملتش العملية أو ما تقبلاتش، كيتم تحرير هاد المبلغ ويرجع للبطاقة بشكل أوتوماتيكي بعد أيام.
يعني فالحالة ديالي، بايبال ما دارتش "تحويل" حقيقي نحو حسابي فبنك السياش، ولكن فقط دارو عملية تفويض ما كملاتش.
علاش الفلوس ما وصلاتش؟
اللي وقع هو أن بايبال حاولت تحجز مبلغ 65 دولار كنوع من التحويل أو الربط مع البطاقة، لكن المعاملة ما تكملاتش، وبالتالي ماكينش فلوس تم إرسالها فعليًا. المبلغ فقط تحجز، وبعد المدة ديال الحجز، كيترجع تلقائيًا للبطاقة.
شنو خاصك تدير؟
تواصل مع البنك ديالك CIH
مشي للوكالة أو تاصل بخدمة الزبناء وشرح ليهم أن بايبال دارو تفويض بمبلغ 65 دولار، ولكن العملية ما كملاتش. طلب منهم يوضحو واش كيبان ليهم التفويض فالسجل ديال العمليات، وواش ترجع المبلغ ولا باقي محجوز.
مراقبة حسابك البنكي
غالبًا بايبال كيرجعو الفلوس أوتوماتيكيًا بعد 7 إلى 14 يوم من تاريخ العملية، بشرط أنها ما تكملاتش.
تأكد من نوع البطاقة اللي مستعملة
فبعض الحالات، بطاقات CIH (بحال ePay أو الكلاسيكية) كتكون مقيدة، وكتمنع بعض العمليات. خاصك تكون مستعمل بطاقة كتوفر على خاصية استقبال الأموال.
احتفظ برسالة الدعم من بايبال
ضروري تحتفظ بالرسالة الأصلية اللي فيها تفاصيل العملية، لأنها غادي تعاونك إيلا احتاجيت تفتح شكاية مع الب
نصائح باش متطيحش فهذ المشكل ثاني
إيلا بغيتي تحول من بايبال للمغرب، الأفضل تربط الحساب مع بطاقة فيزا صالحة للاستقبال، بحال CIH Visa Classic.
حاول تبعد على العمليات اللي فيها Authorization غير مفهومة، وخاصك تكون عارف الفرق بين الدفع المباشر والتفويض.
دايمًا تتأكد من العملية فـ PayPal واش مكتوبة: Completed أو Authorization أو Pending كل وحدة عندها معنى مختلف.
فحالت، المبلغ ما وصلش لبنك السياش لأنه ماكانش تحويل فعلي، بل مجرد تفويض ما تكملش الدعم ديال بايبال وضحو هاد الشي، وقالو ليا نتواصل مع البنك باش يتم تحرير المبلغ. وهنا كنأكد لأي واحد وقع ليه نفس المشكل، ما تفزعش، ولكن خذ الخطوات المناسبة وتابع العملية مع البنك وبايبال.
واش وقع ليك مشكل مشابه مع بايبال أو CIH؟ خلي لينا تعليقك باش نجوبوك بالحل.
