صيفط شي فلوس من بايبال إلى CIH Bank وما وصلونيش شنو الحل

عدد كبير من الشباب المغاربة كيستعملو PayPal باش يتلقاو الفلوس من خدمات كيقدموها أونلاين بحال الفريلانسر، البيع في المواقع العالمية، أو حتى من يوتيوب لكن المشكل الكبير اللي كيطّرح بزاف هو: صيفطت الفلوس من بايبال لحسابي فـ CIH Bank، وما وصلونيش.. آش ندير؟

هاد المشكل كيواجه عدد كبير من الناس، وكيخليهم محتارين ما بين خطأ من بايبال، ولا من البنك، ولا من وسط الطريق. فهاد المقالة، غادي نشرحو الأسباب الممكنة، وشنو خاصك تدير باش تعرف فين وصلات الفلوس ديالك.

واش فعلا بايبال خدام مع CIH Bank؟

نعم، CIH Bank من بين البنوك المغربية اللي تقدر تربط معاها حسابك فـ PayPal، خصوصا إذا كنت مفعل الحساب ديالك فـ PayPal بـ Mastercard أو Visa ديال CIH ولكن الربط بين الحسابات ماشي كيعني أن أي تحويل غادي يكون فوري وسلس، لأن كاينين شروط خاصة:

خاص الحساب فـ PayPal يكون مفعل 100% بالبطاقة وربما حتى بوثائق الهوية

خاص يكون الحساب CIH Bank فيه نفس الاسم ديال الحساب فـ PayPal

خاص تكون كتستعمل بطاقة CIH Visa أو e-pay

الأسباب اللي ممكن تخلي الفلوس ما توصلش

مدة التحويل

التحويلات من PayPal للبنك ماشي فورية غالبا كتحتاج ما بين 3 حتى 7 أيام عمل إذا حولتي الفلوس مثلا نهار جمعة، راه كيبدا العد من نهار الإثنين، وما خاصكش تقلق حتى دوز أسبوع.

مشكل في الاسم

أخطر حاجة كتعطل الفلوس هي الاختلاف في الاسم بايبال كيحول الفلوس حسب الاسم الموجود فالحساب إذا الاسم ديالك في CIH مكتوب بشكل مختلف، مثلا في بايبال كاتب "Mohamed Amine" وفالبنك "Mohamed A.", التحويل غادي يتوقف.

البنك رفض التحويل

في بعض الحالات، CIH Bank كيرفض يستقبل التحويل، وكيطلب من بايبال يرجع الفلوس هذا كيوقع بزاف إذا كانت البطاقة فيها مشكل، أو الحساب فيه شي بلوك أو ناقص معلومات بايبال فهاد الحالة كيرجع ليك الفلوس بعد أيام.

الفلوس مشات فحساب آخر

كاينين حالات نادرة، ولكن ممكن، اللي كيتحول فيها المبلغ لشي حساب ماشي ديالك بسبب خطأ في رقم الحساب أو IBAN. لهذا، تأكد دايماً أنك ربط حسابك بايبال مع البطاقة الصحيحة.

شنو خاصك تدير دابا؟

تشيك فـ PayPal

دخل لحسابك وشوف حالة التحويل إذا كتشوف أنها مكتملة Completed، فمعناها أن بايبال خرجات الفلوس فعلا. خذ سكرين شوت واحتافظ بيه.

تواصل مع CIH Bank

سير لأي وكالة قريبة ليك أو عيط لرقمهم. عطيهم رقم المعاملة Transaction ID وشرح ليهم التاريخ والمبلغ غادي يشيكيو واش فعلا دخل شي مبلغ أو لا.

اتصل بخدمة العملاء ديال بايبال

إذا البنك ما لقا والو، رجع تواصل مع بايبال وشرح ليهم الوضع غالبا غادي يقولو ليك واش الفلوس رجعات ولا باقي معلقة. كاين احتمال أنهم يفتحو تحقيق داخلي ويرجعو ليك المبلغ.