كيفاش تبدأ شركة تجارية وتفتح حساب بنكي فالمغرب

عدد كبير من الشباب فالمغرب اليوم باغيين يتحرروا ماديا ويبدأو مشروع خاص، سواء فالتجارة الإلكترونية، البيع والشراء، أو أي نشاط اقتصادي قانوني.

ولكن كيبقى السؤال اللي كيتكرر عند بزاف: منين نبدا؟ وكيفاش نأسس شركة وندير حساب بنكي خاص بها؟

كيفاش تبدأ شركة تجارية وتفتح حساب بنكي فالمغرب

فهاد المقال، غادي نعطيك خطوات عملية باش تأسس شركة تجارية فالمغرب، مع نصائح واقعية وعملية لاختيار البنك المناسب وفتح الحساب المهني بطريقة قانونية وسهلة.

---

حدد الفكرة ديال المشروع ونوع النشاط التجاري

أول خطوة قبل أي إجراء إداري هي تحدد بالضبط شنو النشاط اللي ناوي تشتغل فيه:

هل غادي تكون تجارة إلكترونية؟

ولا محل فعلي بيع الملابس، العقاقير، المواد الغذائية...؟

ولا خدمة رقمية تصميم، تطوير، استشارات...؟

من بعد، خاصك تختار النشاط القانوني اللي غادي تسجل بيه المشروع:
هل غادي تكون شركة فردية auto-entrepreneur، ولا SARL، ولا شركة تضامنية؟ كل شكل عندو إيجابيات وسلبيات حسب حجم المشروع.

---

الإجراءات القانونية لإنشاء الشركة

باش تكون الأمور قانونية، خاصك تمر من مجموعة مراحل أساسية:

تسجيل الاسم التجاري

تمشي للمحكمة التجارية وتدير حجز الاسم التجاري dépôt de nom commercial.

إعداد النظام الأساسي

خاصة فحال الشركات من نوع SARL، كتحتاج نظام داخلي كينظم طريقة العمل بين الشركاء.

التسجيل فـ السجل التجاري

تمشي للمحكمة التجارية وتسجل الشركة وتحصل على السجل التجاري RC.

التقييد فالضريبة

تسجل فـ مصلحة الضرائب وتحصل على الرقم التعريفي الضريبي ICE.

فتح ملف الضمان الاجتماعي

فحال كنت غادي تشغل مستخدمين، خاص يكون عندك رقم CNSS.

---

فتح حساب بنكي تجاري

بعد ما تكمل جميع الإجراءات، كتقدر تمشي لأي بنك باش تفتح حساب مهني باسم الشركة.

الوثائق اللي غالبا كيتطلبوها

نسخة من السجل التجاري.

النظام الأساسي للشركة.

بطاقة التعريف الوطنية.

رقم التعريف الجبائي ICE.

شهادة القيد في الضريبة المهنية.

---

كيف تختار البنك المناسب؟

مكايناش بنكة وحدة هي الأفضل لكلشي، ولكن كتكون اختيارات حسب الحاجيات ديالك.

بعض المعايير باش تختار البنك

الرسوم الشهرية ديال الحساب المهني.

سهولة الولوج أونلاين تطبيقات الهاتف والموقع.

الدعم الخاص بالمقاولين الذاتيين والشركات الصغيرة.

وجود عروض تمويل مستقبلية.

قرب الوكالة من مقر عملك.

من بين البنوك اللي كتوفر عروض مزيانة للمقاولين والشركات:
CIH Bank، Attijariwafa Bank، BMCE، Bank of Africa، Crédit Agricole، Banque Populaire.

---

نصائح مهمة قبل البداية

حاول دير استشارة مع محاسب أو خبير قانوني قبل تأسيس الشركة.

ماتدخلش السوق بلا دراسة مسبقة للمنافسين.

ما تستعجلش فالمصاريف الكبيرة، وبدأ صغير وكبر تدريجياً.

حاول تختار بنك عندو سمعة جيدة وخدمة الزبائن ديالو مزيانة.