ماذا تفعل إذا حولت المال بالخطأ من تطبيق CIH Bank

في حياتنا اليومية، التكنولوجيا قربات لينا بزاف من الحوايج، وولات العمليات البنكية كنديروها غير من التليفون بلا ما نمشيو للوكالات لكن، مع هاد السهولة، الأخطاء ممكن توقع، خصوصا في التحويلات المالية.

ماذا تفعل إذا حولت المال بالخطأ من تطبيق CIH Bank

هادشي وقع لواحد السيد من مدينة الدار البيضاء، لي حكى أنه استعمل تطبيق CIH Bank في الهاتف، وحول مبلغ مالي لوحدة السيدة لكن المفاجأة أن السيدة ما وصلها والو.
بدا يشك أنه غلط في الرقم ديال الحساب ولا في رقم الهاتف لي دار.

هاد المشكل خلاه يحتار ومابقاش عارف شنو يدير، وكيفاش ممكن يرجع الفلوس ديالو هاد الحالة راه كتوقع لمئات الناس كل يوم، وأي واحد فينا معرض لها لهذا اليوم غادي نشارك معاكم دليل عملي، بسيط ومفهوم لكل واحد وقع ليه هاد المشكل.

التأكد من تفاصيل العملية

أول خطوة ضرورية هي أنك تمشي للتطبيق ديال CIH Bank، وتدخل لقائمة العمليات لي درتي مؤخرا.

غادي تلقى تفاصيل العملية: رقم الحساب، رقم الهاتف، اسم المستفيد إلى كان ظاهر.
هنا خاصك تركز مزيان، وتشوف واش الرقم لي دخلتي صحيح 100%.
حتى خطأ بسيط في رقم واحد ممكن يبدل المستفيد كامل.

مثال بسيط:
إذا كان رقم الحساب هو 123456789، ودرت 123456788، فالفلوس غادي توصل لشخص آخر.

التواصل مع خدمة الزبناء بسرعة

من بعد ما تتأكد أن الخطأ من عندك، خاصك تتصل مباشرة بخدمة الزبناء ديال CIH Bank.
الرقم هو 4747، وممكن حتى تمشي لأقرب وكالة.
من الأحسن تكون معاك التفاصيل كلها:

رقم العملية

المبلغ

تاريخ العملية

صورة أو سكرين شوت من التطبيق

الموظفين غادي ياخدو الشكوى ديالك، وغادي يبداو إجراءات البحث.
لكن مهم تعرف أن البنك ميمكنش يرجع ليك الفلوس مباشرة، حيث خاصهم يتأكدو أن الشخص لي توصل بالمبلغ يوافق أنه يرجعهم ليك.
البنك ميمكنش ياخد الفلوس من حساب شخص بدون موافقته.

شنو ممكن يدير البنك؟

البنك غادي يتواصل مع الشخص لي توصل بالفلوس

غادي يشرح ليه الموقف

إذا كان الشخص متعاون، غادي يرجع ليك المبلغ

لكن، إلى رفض، هنا كتولي القضية قانونية، وتقدر تحتاج ترفع دعوى قضائية.

نصيحة ذهبية باش تحمي راسك مستقبلا

باش ماتطيحش فهاد المواقف، ديما قبل ما تأكد أي عملية تحويل:

راجع الرقم ثلاث مرات

حاول تأكد مع الشخص لي غادي تحول ليه، خصوصا إلى كنت أول مرة

استعمل خاصية التحقق من المستفيد إلى كانت متوفرة

مثلا، فالتطبيق ديال CIH Bank، من الأفضل تستعمل رقم الحساب البنكي بدل رقم الهاتف، حيت الحساب البنكي كيبقى أوضح ومحدد.

التحويلات الخاطئة كتوقع لأي واحد، ومشي عيب لكن الأهم هو تعرف كيفاش تتصرف، وكيفاش تحمي فلوسك مستقبلا وخدمة الزبناء ديال البنك هي دائما البوابة الأولى لي خاصك تبدا منها.

حاول ديما تكون مركز مزيان، وما تكونش مستعجل في الأمور لي فيها فلوس.
راه خطأ بسيط كيقدر يخلق ليك صداع كبير، وتبقى داير بين المحاكم والبنك.