.png "ahmad"){kind=small}
عدد كبير من الشباب المغربي كيحاول يربط حسابو في PayPal مع بطاقة CIH Bank، وكيكتاشف بزاف ديال المشاكل إما الكود ما كيوصلش، أو البطاقة مكتقبلش الربط، أو كيوقع خطأ فعملية التفعيل.
%20(1).png "حل مشكلة ربط باي بال مع بطاقة CIH Bank") |
| حل مشكلة ربط باي بال مع بطاقة CIH Bank |
فهاد المقالة، غادي نشرحو الحلول المجربة والبسيطة لحل هاد المشكل، خطوة بخطوة، مع توضيح النقاط اللي خاصك ترد لها البال.
شنو هي بطاقة CIH Bank اللي كتخدم مع باي بال؟
بنك CIH كيقدم بطاقات متعددة، ولكن بطاقة ePay هي اللي مخصصة للمشتريات الإلكترونية وربطها مع المواقع بحال PayPal.
إذا كنت مازال ما عندكش ePay، خاصك تمشي لأقرب وكالة وتطلبها، راه مجانية وكتوصل فمدة قصيرة.
المشكلة علاش الربط ما كينجحش؟
كاينين 3 أسباب رئيسية كيتكرروا بزاف
البطاقة غير مفعلة للشراء عبر الإنترنت.
الرصيد فالبطاقة ناقص خاصك على الأقل 15 درهم باش تقطع PayPal.
الكود ديال تأكيد الربط ما كيوصلش.
هنا غادي نعطيوك الحلول بالترتيب.
الحل الاول فعل خاصية الشراء من الإنترنت
أول حاجة ديرها، هي تدخل لتطبيق CIH Mobile وتمشي لإعدادات البطاقة ديالك، وتأكد أنها مفعلة لعمليات E-Commerce.
إلى ما لقيتش الخيار، سيفط ecom on فـ SMS للرقم 6333.
الحل الثاني دخل مبلغ صغير فالبطاقة
باش PayPal يدير التفعيل، كيقطع مبلغ بسيط تقريبا 1.50 دولار أو أقل، يعني ضروري يكون فالبطاقة رصيد كافي.
نصيحة دير ما بين 20 و30 درهم فالبطاقة باش تكون مطمئن.
الحل الثالث الكود ما كيوصلش؟ ها شنو تدير
إيلا ربطتي البطاقة وما وصلكش الكود، خاصك تمشي بهاد الطريقة:
كتمشي لتطبيق CIH Mobile.
كتشوف آخر عملية قطعها PayPal غالبا تلقى مكتوب فيها 1234CODE.
الرقم اللي وسط النص هو الكود ديال التفعيل، دخلتو فـ PayPal، وغادي يتربط الحساب.إيلا ما لقيتيش الكود، تسنى 24 ساعة، وعاود شوف العملية.
⛔ تنبيه مهم
ماشي جميع بطاقات CIH كيتقبلو فـ PayPal. مثلا بطاقة Cih Visa Jeune أحيانا كترفض الأفضل هو استعمال بطاقة ePay لأنها معمولة خصيصا لهاذ الغرض.
إيلا بقا المشكل هادشي آخر حل
إذا طبقتي الخطوات، و PayPal مازال ما قبل البطاقة، حاول
تبدل البطاقة وتطلب وحدة جديدة.
أو تتصل بخدمة الزبناء CIH على الرقم 4747 واطلب منهم يساعدوك فحل المشكلة.
جرب كذلك تسجل من متصفح مختلف أو جهاز آخر بعض المرات كيكون المشكل من المتصفح فقط.
بطاقة CIH ePay هي الأنسب لربط باي بال.
خاصك تفعلها من التطبيق وتدير فيها مبلغ صغير.
الكود ديال الربط كيظهر فآخر معاملة، فتش عليه مزيان.
إيلا ما بغاوش يتربطو، تواصل مع البنك أو جرب بطاقة جديدة.
نصيحة للمدونين
إيلا كنت مهتم بالمجال ديال التجارة الإلكترونية أو الربح من الإنترنت، فـ PayPal ضروري يكون شغال عندك وهاد الربط مع CIH Bank كيسهل عليك بزاف الأمور فالدفع والاستلام.
.png "ahmad")
"مرحبًا بك! يُرجى كتابة تعليقك بلغة محترمة وواضحة. التعليقات التي تحتوي على استفسارات دقيقة أو تجارب حقيقية مع البنوك مرحّب بها. يُمنع نشر الإعلانات أو الروابط الخارجية، وأي تعليق مخالف سيتم حذفه دون إشعارك. شكرًا لمساهمتك في إثراء المحتوى البنكي المغربي."